Daily Archives: July 7, 2022

Mhe. Rais Samia afungua Jengo la huduma ya Afya ya Mama na Mtoto la Hospitali ya CCBRT Jijini Dar es Salaam

Leave a reply
Rais wa Jamhuri ya Muungano wa Tanzania Mhe. Samia Suluhu Hassan akiwa na Waziri wa Afya Mhe. Ummy Mwalimu pamoja na viongozi wengine wakati akivuta kitambaa kama ishara ya kufungua Rasmi jengo la Huduma ya Afya ya Mama na Mtoto lililopo kwenye Hospitali ya CCBRT Jijini Dar es Salaam tarehe 05 Julai, 202

Rais wa Jamhuri ya Muungano wa Tanzania Mhe. Samia Suluhu Hassan akizungumza na viongozi mbalimbali pamoja na wananchi mara baada ya kufungua rasmi jengo la Huduma ya Afya ya Mama na Mtoto lililopo kwenye Hospitali ya CCBRT Jijini Dar es Salaam tarehe 05 Julai, 2022.
.

Rais wa Jamhuri ya Muungano wa Tanzania Mhe. Samia Suluhu Hassan akiwapongeza na kuwapa zawadi  Wanawake waliojifungua katika jengo jipya la Huduma ya Afya ya Mama na Mtoto lililopo kwenye Hospitali ya CCBRT Jijini Dar es Salaam tarehe 05 Julai, 2022.

Rais wa Jamhuri ya Muungano wa Tanzania Mhe. Samia Suluhu Hassan akimsikiliza Daktari Bingwa wa Uzazi na Magonjwa ya Wanawake Issa Rashid kuhusiana na huduma mbalimbali zinazotolewa katika jengo jipya la Huduma ya Afya ya Mama na Mtoto katika Hospitali ya CCBRT Jijini Dar es Salaam tarehe 05 Julai, 2022.

Rais wa Jamhuri ya Muungano wa Tanzania Mhe. Samia Suluhu Hassan akimsikiliza Afisa Mtendaji Mkuu wa Hospitali ya CCBRT Bi. Brenda Msangi kuhusiana na huduma mbalimbali zinazotolewa kwenye hospitali hiyo Jijini Dar es Salaam.

Rais wa Jamhuri ya Muungano wa Tanzania Mhe. Samia Suluhu Hassan akiwasalimia wauguzi pamoja na madaktari wa Hospitali ya CCBRT waliopo kwenye jengo jipya Huduma ya Afya ya Mama na Mtoto wakati alipokuwa akikagua huduma mbalimbali katika hospitali hiyo Jijini Dar es Salaam tarehe 05 Julai, 2022.

Rais wa Jamhuri ya Muungano wa Tanzania Mhe. Samia Suluhu Hassan akiwa katika picha ya pamoja na Wauguzi wanao hudumu katika jengo hilo jipya la huduma ya afya ya mama na mtoto mara baada ya kujionea huduma mbalimbali zinazotolewa hospitalini hapo tarehe 05 Julai, 2022.

Rais wa Jamhuri ya Muungano wa Tanzania Mhe. Samia Suluhu Hassan akizungumza na wagonjwa wanaopatiwa matibabu katika jengo jipya la Huduma ya Afya ya Mama na Mtoto katika Hospitali ya CCBRT Jijini Dar es Salaam tarehe 05 Julai, 2022.

Rais wa Jamhuri ya Muungano wa Tanzania Mhe. Samia Suluhu Hassan akipokea zawadi ya picha kutoka kwa Mwenyekiti wa Bodi ya Hospitali ya CCBRT Balozi Dkt. Willibrod Slaa mara baada ya kuzungumza na wananchi kwenye Sherehe za ufunguzi wa Jengo jipya la huduma ya afya ya mama na mtoto katika Hospitali hiyo Jijini Dar es Salaam.

Viongozi mbalimbali pamoja na Wananchi waliohudhuria Sherehe za ufunguzi wa Jengo jipya la huduma ya Afya ya mama na mtoto katika Hospitali ya CCBRT Jijini Dar es Salaam.

TAARIFA KWA VYOMBO VYA HABARI

Leave a reply

RAIS SAMIA AFUNGUA JENGO LA HUDUMA YA MAMA NA MTOTO CCBRT

Rais wa Jamhuri ya Muungano wa Tanzania, Mhe. Samia Suluhu Hassan amesema Serikali itaendelea kuwekeza zaidi katika kutoa huduma za dharura na kupunguza vifo vinavyotokana na uzazi kwa akina mama na watoto wachanga.

Rais Samia amesema hayo katika hafla ya ufunguzi wa jengo la huduma ya afya ya mama na mtoto katika Hospitali ya CCBRT lililogharimu jumla ya shilingi Bilioni 101 ikiwemo ununuzi wa vifaa tiba vya kisasa na vifaa vingine vya hospitali.

Aidha, Rais Samia amesema lengo la ujenzi wa jengo hilo ni kumpatia mwanamke huduma bora ya uzazi tangu ujauzito, kujifungua na baadae uangalizi kwa mzazi na mtoto mchanga.

Rais Samia pia amesema uwepo wa hospitali hiyo ni utekelezaji wa Mpango wa Taifa wa Maendeleo wa 2021/2022 – 2025/2026 wa kupunguza vifo vitokanavyo na uzazi kutoka vifo 321 kwa kila vizazi 100,000 hadi kufikia vifo 220.

Kwa upande mwingine, Rais Samia ametoa wito kwa Wizara ya Afya kuhakikisha kuwa Madaktari Bingwa wanapatikana katika Hospitali za Wilaya ili watoe huduma hii muhimu.

Hospitali hiyo ina uwezo wa kuhudumia wanawake 300 kwa siku, ikiwa na jumla ya vitanda 140 na vyumba 8 vya kujifungulia na itaweza kufanya uchunguzi wa mapema wa matibabu ya watoto waliozaliwa na ulemavu.